अछाम । अछामको रामारोशन गाउँपालिकाका अध्यक्षमाथी गोली  प्रहार भएको छ। अध्यक्ष  झङ्करबहादुर साउदमाथि आइतबार साँझ गोली प्रहार भएको हो।दुईजना अज्ञात व्यक्तिले गाउँपालिकाको वडा नं ३ मुजाबगरस्थित कार्यालयको आवासमा बस्दै आएका साउदलाई गोली हानेका हुन् ।अध्यक्ष साउदले प्रतिकार गर्न खोज्दा गोली भुइँमा खसेको प्रहरी नायब उपरीक्षक जनकबहादुर शाहीले जानकारी दिए। उक्त समयमा शान्तडा प्रहरी चौकीका इञ्चार्ज प्रहरी सहायक निरीक्षक भरतबहादुर रोकायासमेत अध्यक्ष साउदसँगै रहेका थिए ।“हामीले हतियार खोस्न खोज्दा दुवै जना भागे”, अध्यक्ष साउदले भने । प्रहरी नायब उपरीक्षक शाहीले गोली प्रहार गर्ने व्यक्तिको खोजी भइरहेको र अध्यक्ष साउद सकुशल रहेको बताए । प्रहरीका अनुुुसार उनिहरुको चौतर्फी खोजी कार्य जारी भएको छ।

Advertisement