नेपालगन्ज ।नेपाली कांग्रेस बाँकेले आज नेपालगन्जमा शुभकामना आदानप्रदान तथा चियापान कार्यक्रम गरेको छ । विजयादशमी, शुभ दिपावली तथा छठ पर्वका अवसरमा पार्टी कार्यालयमा आयोजित कार्यक्रममा विभिन्न दलका नेता, काँग्रेस नेता कार्यकर्ता, शुभेच्छुक, स्थानीय तहका प्रमुख, उपप्रमुख, प्रमुख जिल्ला अधिकारी, सुरक्षा निकायका प्रमुख लगायतको उपस्थिति थियो । शुभकामना आदानप्रदान तथा चियापान कार्यक्रममा नेकपा बाँकेका अध्यक्ष एवम् प्रदेश पाँचका सांसद् आइपी खरेल, प्रदेश सभा सदस्य याकुब अन्सारी,पूर्व सांसद् बादशाह कुर्मी, मैकुलाल बाल्मिकी, कैलाशनाथ कशौधन, पूर्व सभापति युवराज शर्मा, नेपालगन्ज उपमहानगरपालिकाका मेयर डा.धवल शमशेर राणा, प्रमुख जिल्ला अधिकारी कुमार बहादुर खड्का, बाँके प्रहरी प्रमुख प्रहरी उपरिक्षेक विर बहादुर ओली लगायतले शुभकामना मन्तव्य ब्यक्त गर्नुभएको थियो । पार्टी सभापति किरण कोइरालाको सभापतित्वमा सम्पन्न कार्यक्रमको सन्चालन सचिव कपिलदेब शर्माले गर्नुभएको थियो । आज बाँके सहित देशभर सबै जिल्लाहरुमा शुभकामना आदानप्रदान तथा चियापान कार्यक्रम गरिएको छ । काँग्रेसले हरेक वर्ष कोजाग्रत पूर्णिमाका दिन चियापान कार्यक्रम गर्दै आएको छ ।

Advertisement