बिरगंज । दुईवटा मोटरसाइकल एक आपसमा ठोक्किदा एक जनाको मृत्यु भएको । अर्का १ व्यक्ति घाइते भएका छन्।पर्साको पर्सागढी नगरपालिकामा जितपुरतर्फ जाँदै गरेको ना ४८ प १३६४ नम्बरको मोटरसाइकल र विपरीत दिशाबाट आउँदै गरेको ना २२ प ८१६१ नम्बरको मोटरसाइकल सवैयामा ठोक्किएर दुर्घटना भएको हो ।

Advertisement

आइतबार साढे ९ बजे भएको दुर्घटनामा पर्सागढी नगरपालिका–३ बस्ने ३८ वर्षीय बागबहादुर लामाको मृत्यु भएको जिल्ला प्रहरी कार्यालय, पर्साले जनाएको छ ।

दुर्घटनामा घाइते लामालाई गण्डक अस्पताल वीरगञ्जमा सामान्य उपचारपछि थप उपचारका लागि न्युरो अस्पताल वीरगञ्ज ल्याइएको थियो । त्यहीँ उनको उपचारका क्रममा सोमबार बिहान पौने २ बजे मृत्यु भएको जिल्ला प्रहरी कार्यालय पर्साले जनाएको छ।