काठमाडौं । दुई जना अभियुक्त प्रहरीले लगाएको हतकडी खोलेर फरार भएका छन्।फरार मध्ये एक जनालाई थानकोटबाट प्रहरीले पक्राउ गरिसकेको छ भने अर्का फरार छन्। उनिहरुलाई नुवाकोटबाट काठमाडौं ल्याइदै थियो। रामेछापको लिखु तामाकोसी १ का रविन नेपाली र भीमबहादुर सुनुवार मंगलबार  थानकोट क्षेत्रबाट फरार भएका हुन्। नेपालीलाई प्रहरीले केही समयमै पक्राउ गरे पनि सुनुवार फरार नै छन्।

Advertisement

प्रहरी हवल्दारको नेतृत्वमा तीन जना प्रहरीको निगरानीमा सार्वजनिक बसमा ल्याइएका उनीहरू हतकडी खोलेर भागेपछि मात्रै ती प्रहरीले थाहा पाएका थिए।महाशाखा प्रमुख एसएसपी सहकुल थापाका अनुसार प्रहरी कर्मचारीको असावधानीका कारण घटना भएको हो।‘प्रहरी कर्मचारीलाई विभागीय कारबाहीको तयारी भइरहेको छ,’ थापाले भने, ‘फरार रहेका व्यक्तिको खोजीमा हाम्रो टोली सक्रिय छ।’