दक्षिण सुडानमा स्थायी युद्धबिरामको सम्झौता
प्रकाशित मिति : २०७५, १४ असार बिहीबार १३:२१
तपाईको प्रतिक्रिया
Notice: WP_Query was called with an argument that is deprecated since version 3.1.0!
caller_get_posts is deprecated. Use ignore_sticky_posts instead. in /home/mysites/repo/bageshworipost/public_html/wp-includes/functions.php on line 4663
खारटौम । दक्षिण सुडानका राष्ट्रपति साल्भा किर र विद्रोही नेता रिक माचारका बीचमा स्थायी युद्धबिराम गर्ने सहमति भएको छ ।बुधबार भएको स्थायी युद्धबिरामको सम्झौता ७२ घण्टामा कार्यान्वयनमा आउने अधिकारीहरूले जनाएका छन् ।दक्षिण सुडानमा लामो समयदेखि भइरहेको विध्वंशकारी युद्धलाई अहिलेको सम्झौताले अन्त्य गर्ने विश्वास गरिएको छ ।
Advertisement
“स्थायी युद्धबिरामको सम्झौतामा सबै पार्टीले हस्ताक्षर गरेका छन्,” सुडानका विदेशमन्त्री अल डियरडीरी अहमदले सुडानको राजधानीमा जानकारी दिए।
दक्षिण सुडानका राष्ट्रपति किर र विद्रोहीतर्फका नेता माचारले सुडानका राष्ट्रपति ओमर अल बसिरको उपस्थितिमा स्थायी युद्धबिराम गर्ने सम्झौतापत्रमा हस्ताक्षर गरे ।
यसअघि पनि यस्तै थुप्रै युद्धबिराम सम्झौता भएका र तिनीहरूको उल्लंघन पनि भएका छन् । प्राय सम्झौता दक्षिण सुडानभन्दा बाहिरी देशहरूमा भएका छन् ।
विभिन्न चरणमा भएका पटक पटकका भित्रि वार्ता तथा छलफलहरू पछि अहिलेको सम्झौता भएको बताइएको छ । वार्ताका लागि इथियोपियाका प्रधानमन्त्री अविय अहमदले पनि ठूलो योगदान गरेका छन् ।
दक्षिण सुडानमा भएको युद्धका कारण दशौँ हजार जना मारिएका छन् भने लाखौँ विस्थापित भएका छन् । विद्रोहीहरूको नेतृत्व गर्नुभएका रिक दक्षिण सुडानका पूर्व राष्ट्रपतिसमेत हुनुुहुन्छ । विश्वभरका नेताहरूले पटकपटक दबाब दिएपछि उहाँहरू सम्झौतामा पुग्नु भएको बताइएको छ ।