चन्द्रनिगाहपुर  । दुई गाडी ठोक्किँदा २ जनाको मृत्यु हुनुका साथै ९ जना घाइते भएका छन् । रौतहटको पौराइमा काठमाडौंबाट जनकपुरतर्फ गइरहेको ना ६ ख ९०३० तीर्थयात्री बोकेको बसलाई  को १ ख २६२५ नम्वरको मालबाहक ट्रकले पछाडीबाट ठक्कर दिदा दुर्घटना भएको प्रहरीले जनाएको छ।

Advertisement

चन्द्रपुर नगरपालिका–१, मंगलपुरको जंगलमा रोकी राखेको भारतीय तीर्थयात्री सवार बसलाई मालवाहक ट्रकले पछाडिबाट ठक्कर दिँदा २ जना भारतीय नागरिकको घटनास्थलमै मृत्यु भएको हो ।बसमा भारतको उडिसा राज्यका ६० तीर्थ यात्रु सवार रहेको खुलेको छ ।

मृत्यु हुनेमा उडिसा राज्यको उपरा साही नयरखण्डाला मन्दिर जागामारा भुवनेश्वर खोडदाहाका ५२ वर्षीय विजयकुमार जेना र ५४ वर्षीय चरण विशालको घटनास्थलमा मृत्यु भएको हो। फरार रहेका ट्रक चालकको खोजी भइरहेको छ।