नेपालगन्ज । चलचित्र ‘लूट २’ ले अहिलेसम्म ७ करोड ८५ लाखको कलेक्सन गरेको छ । आक्रामक रुपमा हलमा आएको चलचित्रले भने सोचे अनुसारको व्यापार गर्न सकेको छैन ।

Advertisement

चलचित्र ‘लूट’ ले ४ करोड कमाएको थियो । यद्यपि यसको सिक्वेलले दोब्बर पैसा कमाइसकेको छ । रिलिज पूर्व निर्माता माधव वाग्लेले ‘लूट २’ ले चलचित्र छक्का पञ्जाको रेकर्ड तोड्ने जिकिर गरेका थिए । चलचित्र भने औसत मात्र व्यापार गरेको छ ।

चलचित्रले आफूले चाहे अनुसारको व्यापार गर्न नसकेको निर्माता माधव वाग्ले स्वीकार्छन् ।
काठमाडौंका चार हलबाट चलचित्र उत्रेपनि अन्य हलमा भने चलचित्र चलिरहेको निर्माता वाग्ले भनाइ छ ।

‘चलचित्रले धेरै राम्रो व्यापार पनि गरेको छैन, उत्साहजनक व्यापार पनि गर्न सकेको छैन ।’ वाग्ले बताउँछन् ।

उपत्यका बाहिर पनि औसत रुपमा चलिरहेको चलचित्रलाई अर्को हप्ता रिलिज हुन लागेको चलचित्र ‘लप्पन छप्पन’ पछि भने ‘लूट २’ को अोरालो लागेको व्यापारलाई टक्कर दिन सक्ने अनुमान लगाइएको छ ।