नेपालगन्ज । चलचित्र ‘छक्का पञ्जा’ को सफलतापछि हौसिएको टिमले यही शीर्षकको अर्को चलचित्र ‘छक्का पञ्जा फेरि’ निर्माण गरेपछि नै मिडियामा स्थान पाएको थियो । पहिलो सिक्वेल हिट भएकाले पनि यसको दोस्रो सिक्वेलमा दर्शकको पनि बढी आशा देखिन्छ ।

केही दिन अघि मात्र चलचित्र ‘छक्का पञ्जा फेरि’ मा ड्रिम्स अभिनेत्री साम्राज्ञी राज्यलक्ष्मी शाहले चलचित्र छोडेको भन्ने खबरले फेरि मिडिया ततायो । चारैतिर फैलिएको यो खबरलाई भने चलचित्रका अभिनेता तथा निर्माता दीपकराज गिरीले भने घुमाउरो पारामा कटाक्ष गरेका छन् । उनले स्टाटसमा लेखेका छन्, ‘साम्राज्ञीसँग फिल्मको बिहे नै भएको छैन, डिभोर्सको के कुरा?’

Advertisement

चलचित्र ‘छक्का पञ्जा फेरि’ मा दुई नायिका पहिले नै भएकाले पनि नयाँ नायिका नचाहिएको पनि उनले स्टाटसमा लेखेका छन् ।

चलचित्र ‘छक्का पञ्जा फेरि’लाई पनि दीपाश्री निरौलाले नै निर्देशन गर्नेछिन् । अझै स्क्रिप्ट तयार भइ नसकेको चलचित्रको प्रदर्शन मिति भने आउँदो वर्षको भदौ १६ लाई तय गरिएको छ ।